¡Feliz Ano novo!

Feliz ano 2009 a tódolos jalochos e jalochas e individuos da zona e arredores. Espero que todos esteades disfrutando das festas do nadal igual ou mellor ca nós e que todos entredes neste ano con esperanza e alegría. Sobre todo iso, alegría. E despois da realización do curso de Deseño Gráfico e de Informática Musical, para comenzarmos o ano temos preparados dous cursos máis que interesantes con matrícula aberta (pódese apuntar quen queira, en principio non hai limite de prazas): o esperado taller de voz, e un novo taller de percusión asincopada. O taller de voz, que vai estar dirixido por Liliana Ballarín impartiráse os sábados entre as 17.00 h e as 20.00 h. nas aulas do Conservatorio, e súa duración será de tódolos sábados de Xaneiro e tres sábados de Febreiro. Por se non sabedes quen é Liliana Ballarín, foi profesora de canto no Conservatorio Municipal de Ribeira (que tanto nos axuda) e actualmente profesora de canto no Conservatorio de Pontevedra, e penso que non está demáis dicir que sempre nos apoiou e animou a seguir coa Escola e demostra ser unha grande amante da música e da súa profesión como docente. Para o curso non se necesitan coñecementos precios, xa que comezará dende o máis básico da formación vocal: respiración, vocalización... así que animádevos, asegúrovos que é algo moi divertido e instructivo. O segundo curso, o de percusión, vai estar capitaneado por Tomás Axeitos, técnico de son e batería da Compañia do Ruido. Este curso vai estar repartido en diferentes sábados do mes de Xaneiro e Febreiro sendo estes: 17 e 24 de Xaneiro e 14 e 21 de Febreiro. Neste caso é preciso ter uns coñecementos mínimos de linguaxe musical (moi básicos: lectura de corcheas, semicorcheas, compás, etc). A matrícula tamén é aberta.
Para apuntarse a calquera dos dous cursos poderedes facelo a partir de hoxe á tarde en internet a través desta páxina ou tamén a través do teléfono: 650885530

Programación Nadal

Xa temos a programación do Nadal da Asociación Bastantes Llon.

Bos tempos para a música en Ribeira

Ainda que todos sabemos que a era do CD case forma xa parte da historia e pouco a pouco vai desaparecendo en favor dun sobrevalorado mp3, a Asociación Bastantes Llon en colaboración coa Xunta de Galicia, a Escola Alboio  e outras entidades (entre as que non está o Concello de Ribeira) edita un compacto recopilatorio de varios músicos de Ribeira e arredores. O traballo, Ribeira na ruta, presentaráse en Corrubedo o vindeiro día 20 de decembro, na popular comida da Escola, e xunto a artistas clásicos e consolidados como Toñito de Poi, Jabón Blue, Mariu ou Tebra aparecen novas promesas coma os Spinal Wins ou Os Sosios. Os temas foron grabados en La Casita Records e producidos por Oito nun Piso.

Mes do Nadal: festa rachada

Deixándo un pouco de lado a sociedade caciquil imos contar un pouco as actividades que temos preparadas para o mes de decembro. Para empezar a nosa querida charanga, a máis festeira, que deixou recentemente a súa impronta nas ondas radiofónicas do país, actuará o día 6 de decembro no Campus da Universidade de Santiago. E se acaso este asalto á capital deixara pouco sabor de boca Os Chiquilicuatres rematarán a faena da fin de semana reventando o respetable Auditorio de Galicia o domingo dia 7 de decembro. O dia 20 teremos a comida popular da Escola en Corrubedo. Para desplazarmos ata alí dispoñeremos de autobuses gratuitos. O día 25 estaremos na Casa dos Maiores amenizando un pouco o Nadal e o 28 montaremos unha Foliada non Bar Antoxo, que continuaremos o día 5 de xaneiro no Bar O Corno en Aguiño. Ó longo de mes soltaremos máis detalles das actividades e falaremos nas aulas destes temas. Lembrade que o día 6 de decembro non hai escola. Para máis información podedes mirar a axenda da Escola no apartado Enlaces de interese.